د پوهنې وزارت اعلان کړی، چې د هېواد د سړو سیمو د دولتي او خصوصي ښوونځیو کلنۍ ازموینې به د عقرب میاشتې په ۲۶ مه نېټه پیل شي.

آوا - کابل: د پوهنې وزارت مطبوعاتي دفتر د یوې خبرپاڼې په خپرولو سره ویلي، چې ټاکل شوې دغه ازموینې د روان لمریز کال د عقرب میاشتې په ۲۶ مه نېټه پیل شي.
د دغه وزارت په خبرپاڼه کې دا هم ویل شوي، چې له لومړي څخه تر درېیم ټولګيو کلنۍ ازموینې به د روان لمریز کال د عقرب میاشتې په ۲۶مه او له څلورم تر دولسم ټولګيو پورې به د روان لمریز کال د قوس په لومړۍ نېټه پیل شي.