د دايکنډي ولايت په اشترلي ولسوالۍ کې د فوټبال سيالۍ د دې ولسوالۍ د بېلابېلو سيمو د لسو ټيمونو ترمنځ پيل شوې.

آوا - بامیان: د دایکنډي ولایت د اشترلي ولسوالۍ د بېلابېلو سیمو د لسو لوبډلو ترمنځ د فوټبال سیالۍ نن یکشنبه د عقرب د میاشتې په ۲۰ مه د انګور اډې په لوبغالي کې پیل شوې.
دغه سيالۍ د دايکنډي ولايت د بدني روزنې او سپورت رياست په همغږۍ او همکارۍ د اشترلي ولسوالۍ د ځوانانو له خوا د سپورت په ډګر کې د دغې ولسوالۍ له بېلابېلو سيمو څخه د لسو ټيمونو په ګډون پيل شوې وې. 
د دایکندي د بدني روزنې او سپورت ریاست مسوولین وايي، چې دوی دغه سیالۍ د ځوانانو د ورزش، ودې او د ځوانانو ترمنځ د ټولنیزو لوبو د ودې په موخه په لاره اچوي.