په چین کې د افغانستان سفارت اعلان کړی چې د دغه هېواد سفیر په شانګهای کې د چین په اووم نړیوال وارداتي نندارتون کې د افغاني محصولاتو له بوتانو څخه لیدنه وکړه.

آوا - کابل: په چین کې د افغانستان سفارت مطبوعاتي دفتر د یوې خبرپاڼې په خپرولو سره ویلي چې په چین کې د افغانستان سفیر مولوي اسدالله کریمي د شانګهای د چین په اووم نړیوال وارداتي نندارتون کې د افغاني محصولاتو له بوتانو څخه لیدنه وکړه.
په دغه نندارتون کې د افغانستان محصولات لکه اصلي غالۍ، لاجورد لاجورد، وچه مېوه او طبي بوټي نندارې ته اېښودل شوي وو.
کریمي په دغه نندارتون کې د افغان سوداګرو نظریات او وړاندیزونه واورېدل او د هغوی د ستونزو د حل ډاډ یې ورکړ.
په شانګهای کې د افغاني تولیداتو په نندارې سره د چین اووم نړیوال وارداتي نندارتون جوړ شو.