آوا: په افغانستان کې د ملګرو ملتونو د خوړو د نړیوال پروګرام ویاند ضیاالدین صافي وویل، د افغانستان د خوړو نړیوال پروګرام (WFP) له ټولو هېوادونو سره مرسته کوي چې له طبیعي پېښو سره د مبارزې لپاره بنسټیز بنسټونه جوړ کړي.

 

صافي د سلام وطندار راډیو سره په خبرو کې وویل، «افغانستان په نړۍ کې د اقلیم د بحران له امله شپږم ځپل شوی هېواد دی.» په روان کال کې سیلابونه او وچکالۍ زیاتې شوي او د هیواد ټول ولایتونه د اقلیم له کړکیچ څخه اغیزمن شوي دي. سږ کال تر اوسه د سېلابونو له امله څه باندې ۱۶۰ زره کسان اغېزمن شوي او شاوخوا ۲۰ زره کورونه او زرګونه هکتاره کرنیزه ځمکه ویجاړه شوې ده.

 

په همدې حال کې د طبیعي پېښو پر وړاندې د مبارزې وزارت چارواکي وايي، له سېلاب ځپلو سره د دغه وزارت مرستې دوام لري، خو افغانستان یې د دوام لپاره د کورنیو او بهرنیو مرستندویه ادارو همکارۍ ته اړتیا لري.

 

د دغه وزارت سرپرست، نورالدین ترابي وویل، «زموږ مرستې به تر هغه دوام وکړي چې د دغو قربانیانو پای ته ونه رسېږي او هر څومره چې کولای شو مرسته وکړو.» موږ له ملي او نړیوالو موسسو څخه غواړو چې په دې برخه کې له موږ سره همکاري وکړي، که هغه نغدي وي یا غیر نغدي او خوراکي مرستې او یا هم د استنادي دیوالونو جوړول چې ورته اړتیا وي.»

 

خو په یو شمېر ولایتونو کې د سږني سېلابونو یو شمېر قربانیان وايي، د سېلابونو منفي اغېزې لا هم د دوی په ولایتونو کې پاتې دي.

 

دوی وايي چې اوس له اقتصادي ستونزو سره په خړو کورونو کې ژوند کوي.