د سوداګرۍ او صنایعو وزارت وايي چې د دغه وزارت سرپرست له صنعتکارانو سره په کتنه کې وویل چې دغه وزارت د لبنیاتو په برخه کې د افغانستان د صنعتي کېدو او د لبنیاتو په برخه کې د ځان بسیا کېدو لپاره کار کوي او د ترجیحي تعرفو په لګولو سره له کورنیو تولیداتو ملاتړ کوي.

آوا - کابل: د صنعت او سوداګرۍ وزارت مطبوعاتي دفتر نن چهارشنبه د عقرب ۱۶ مه د یوې خبرپاڼې په خپرولو سره ویلي چې د دغه وزارت له سرپرست نورالدین عزیزي سره یې د کندهار ولایت د خلکو ستونزې واورېدې. د لبنیاتو د تولید په برخه کې صنعتکارانو او د حل په موخه یې د همکارۍ ژمنه وکړه.
د سوداګرۍ او صنایعو وزارت وايي، په کندهار کې د میلکو لبنیاتو فابریکې او نورو لبنیاتو تولیدوونکو خپلې ستونزې د صنعت او سوداګرۍ له سرپرست وزیر سره شریکې کړې او د حل غوښتنه یې وکړه.
د سوداګرۍ او صنایعو وزارت سرپرست د دوی د ستونزو له اورېدو وروسته هغوی ته ډاډ ورکړ چې د افغانستان د صنعتي کېدو په برخه کې به پراخې هڅې وکړي او د لبنیاتو په برخه کې به د ترجیحي تعرفو په لګولو سره د دغه سکتور ملاتړ وکړي.
د يادونې وړ ده، چې په تېرو څو کلونو کې بېلابېلو شرکتونو په هېواد کې د لبنياتو د توليد په برخه کې فعاليت پيل کړى دى.