د ملګرو ملتونو د وګړو صندوق وايي، افغانستان د نړۍ په کچه د ښځو لپاره د زیږون په برخه کې تر ټولو ستونزمنه سیمه ده او په هرو دوو ساعتونو کې یوه مور د امیندوارۍ او ماشوم زیږون د مخنیوي وړ اختلالاتو له امله مري.

آوا - کابل: د ملګرو ملتونو د وګړو صندوق په یوه خبرپاڼه کې ویلی چې د هیواد کمزوری روغتیایی زیربناوې او د میندو او زیږون روغتیایی خدمتونو ته محدود لاسرسی په ځانګړې توګه په کلیوالو سیمو کې د میندو او ماشومانو لپاره له جدی خطرونو سره مخ دی. 
په دې اعلامیه کې راغلي: افغانستان لا هم په نړۍ کې د ښځو لپاره د زیږون په برخه کې یو له ستونزمنو سیمو څخه دی. په هرو دوو ساعتونو کې یوه مور د امیندوارۍ او زیږون پورې اړوند د مخنیوي وړ اختلاطاتو له امله مري.
باید وویل شي، چې څه موده وړاندې د ملګرو ملتونو د ماشومانو وجهي صندوق (یونیسف) په یوه راپور کې اعلان وکړ، چې په افغانستان کې شاوخوا یو پر درېیمه مېرمنې له روغتیايي مرکزونو بهر زیږون کوي.