د عامې روغتیا وزارت اعلان کړی چې د دغه وزارت سرپرست د انلاین ناستې له لارې د هېواد په ۳۴ ولایتونو کې د عامې روغتیا له رئیسانو سره د ولسوالیو په کچه د روغتیايي مرکزونو د جوړولو پر طرحې خبرې کړې دي.

آوا - کابل: د عامې روغتیا وزارت مطبوعاتي دفتر د یوې خبرپاڼې په خپرولو سره ویلي چې د دغه وزارت سرپرست مولوي نورجلال جلالي د سیمه ییزو ادارو له مسوولینو غوښتي چې په دغه ولایت کې روغتیايي مرکزونه نه لري. د دوی ولسوالۍ د سیمې د ثبات لپاره عمل وکړي.

هغه زياته کړه: "د هېوادوالو ته د روغتيايي خدمتونو د رسولو په برخه کې بايد لا زياتې اسانتياوې رامنځته شي او د ولسواليو په کچه د روغتيايي مرکزونو د جوړولو پلان بايد په ښه توګه پرمخ ولاړ شي."

له بلې خوا د ولایتونو د عامې روغتیا رئیسانو د عامې روغتیا وزارت په مشرۍ د ولسوالیو په کچه د روغتیايي مرکزونو د جوړېدو، د سیمې د ثبات او د هغه د بنسټیزو کارونو د ترسره کېدو ډاډ ورکړ.

د يادونې وړ ده، چې تر دې وړاندې هم په ولسواليو کې د معياري روغتيايي مرکزونو له نشتوالي څخه خلکو شکايتونه کړي وو.