د کانونو او پټرولیم وزارت اعلان کړی، چې د دغه وزارت مالي او اداري مرستیال حسام الدین صابري د یوه پلاوي په مشرۍ د چین په هونان ښار کې د همکاریو د پراختیا په کنفرانس کې ګډون کړی دی.

آوا - کابل: د کانونو او پټرولیم وزارت مطبوعاتي دفتر د یوې خبرپاڼې په خپرولو سره ویلي چې د دغه کنفرانس موخه په افغانستان کې د یوه مجهز لابراتوار جوړول، د تخنیکي او مسلکي ظرفیتونو لوړول دي. د کانونو او پټرولیم وزارت د مسلکي کارکوونکو او د افغانستان د کانونو په سکتور کې د پانګوالو هڅونه ده.

په دې کنفرانس کې د چين سوداګرو د سرو زرو، مسو، تالک، تېلو او ګازو، ليتيم، ليډ او پروسسټينګ او ځينو شرکتونو د سروې، اکتشاف، ډيزاين، پروسس او لابراتوارونو د جوړولو په برخو کې د پانګونې لېوالتيا څرګنده کړه او په افغانستان کې د کانونو د قرارداد د پروسې په اړه د معلوماتو غوښتنه وکړه.

د کانونو او پټرولیم وزارت د مالیې او ادارې وزیر د افغانستان د طبیعي زیرمو د قراردادونو او د پانګونې د فرصتونو په اړه خبرې وکړې.