په ننګرهار ولایت کې د کرنیزو محصولاتو د پېر او پلور او خلکو ته د اسانتیاوو رامنځته کولو په برخه کې د څه باندې ۲.۷ میلیونه افغانیو په ارزښت نوي تړونونه لاسلیک شول.

آوا - کابل: د ننګرهار ولايت د کرنې، اوبولګولو او مالدارۍ رياست مسوولين ویلي دي چې په دغه ولايت کې د دوه اعشاريه اووه ميليونه افغانيو په ارزښت د کرنيزو محصولاتو د پېر او پلور قرارداد لاسليک شوی دی.

په دغه ولایت کې د اسلامي امارت مسؤلینو ویلي چې د یاد ریاست په همکارۍ د افغاني ارزښت د زنځیر پروګرام له لارې د ختیځ زون د تولیدونکو او سوداګرو ترمنځ د ۲ میلیونه ۷۲۲ زره ۵۴۰ افغانیو په ارزښت د کرنیزو محصولاتو د پېر او پلور قرارداد ترسره شوی دی. او تړون هم لاسلیک شوی دی.

بايد يادونه وشي، چې په هېواد کې د دې او همداراز داسې نورو پروګرامونو د پلي کېدو موخه د محصولاتو د بازارموندنې په برخه کې د اسانتياوو رامنځته کول او د سوداګرو او بزګرانو ترمنځ همغږي ده./باختر