د مخابراتو او معلوماتي ټکنالوجۍ وزارت د لومړي ځل لپاره په بامیان، غور، هرات، میدان وردګ او جوزجان ولایتونو کې د نوري فایبر انټرنټ د ویش پروګرام پیل کړ.

آوا - کابل: د مخابراتو او ټکنالوژۍ وزارت مطبوعاتي دفتر خبر ورکوي، چې دغه پروژه د لوړ سرعت او ارزانه انټرنېټ د کیفیت د لوړولو او په دې برخه کې د ډیجیټل زیربناوو د برابرولو په موخه په لاره اچول شوې ده. 

د يادونې وړ ده، چې تر دې وړاندې هم د هېواد د يو شمېر ولايتونو اوسېدونکو په ولايتونو کې د انټرنېټ د لوړ سرعت له نشتوالي شکايت کړى و.