آوا - کابل: د ملګرو ملتونو د بشري چارو د همغږۍ دفتر (OCHA) د سه شنبې په ورځ د اسټرالیا له مرستو مننه وکړه او ویې ویل چې دا مرسته به له بشري شریکانو سره مرسته وکړي چې د هیواد له ډیرو زیانمنو سره مرسته وکړي.

د ملګرو ملتونو د بشري چارو د همغږۍ دفتر وايي، په افغانستان کې له ۲۳ میلیونو ډېر خلک مرستو ته اړتیا لري.

اوچا سږ کال د افغانستان له خلکو سره د مرستې لپاره د ۳.۰۶ میلیارده ډالرو غوښتنه کړې وه، خو د اوچا په وینا د بودیجې یوازې لږه برخه ورکړل شوې ده.

دغه دفتر وايي، د ژمي پر مهال په افغانستان کې د زیانمنو سیمو د حل لپاره ۶۰۳.۵ میلیونه ډالرو ته عاجله اړتیا ده.