آوا : د هرات ولایت د اطلاعاتو او کلتور ریاست په یوه خبرپاڼه کې ویلي، چې د افغانستان ملي بانک ودانۍ له بیارغونې وروسته پرانستل شوه.

 

په خبرپاڼه کې راغلي، چې د افغانستان ملي بانک څانګه د څه باندې اووه میلیونه افغانیو په لګښت رغول شوې ده.

 

په خبرپاڼه کې د افغانستان د ملي بانک د عمومي رئیس شاکر جلالي له قوله دا هم راغلي، چې دغه بانک په منظم او پر وخت خلکو ته عصري خدمات وړاندې کوي.

 

په همدې حال کې په هرات ولايت کې د افغانستان د ملي بانک رييس وويل چې دغه بانک په ورځ کې له زرو څخه زيات مراجعين لري.

 

د افغانستان ملي بانک له نهو لسیزو راهیسې د افغانستان تر ټولو معتبر بانک بلل کېږي.