آوا - کابل: د کډوالو او راستنیدونکو چارو وزارت مطبوعاتي دفتر د غور ولایت په مرغاب ولسوالۍ کې د سیلاب ځپلو کورنیو لپاره د یوه ځانګړي بست د جوړولو خبر ورکړی دی.

 

د دغه وزارت د معلوماتو له مخې، په هستوګنځي کې ۱۰۰ کورونه جوړ شوي دي.

 

په خبرپاڼه کې دا هم ویل شوي چې د ۱۰۰ نورو کورونو د جوړولو کار هم پیل شوی دی.

 

د غور ولایت په مرغاب ولسوالۍ کې سېلابونو څه باندې دوه زره کورونه په جزوي یا بشپړ ډول ویجاړ کړي دي.

 

ویل کیږي چې اسلامي امارت هڅه کوي دغو کورنیو ته د سرپناه زمینه برابره کړي.