آوا - بامیان: د دایکنډي ولایت د مرستیال احسان الله رحمت یار، د دغه ولایت د ښاروال قاري خالد احمد فضلي او رئیسانو په حضور کې د فامیلي پارک او بادام چوک د جوړولو په ګډون د عامه ګټو دوه پروژې پرانیستل شوې.

د دایکنډي مرستیال والي احسان الله رحمت یار د نیلي ښار د زیربناوو بیارغونه د اسلامي امارت له اهدافو څخه وبلل او ویې ویل چې د ودانیو ساتنه د ښاریانو دنده ده.

د دايکنډي ښاروال وويل، چې د يادو پروژو له پلي کېدو څخه يې موخه د کورني پارک د امنيت رامنځته کول، دننه د ودانيو ساتنه، د تفريح ځايونو رامنځته کول او مسافرو ته د اسانتياو برابرول دي.