آوا - بامیان: د انرژۍ او اوبو وزارت د رسنیو دفتر په یوه خبرپاڼه کې ویلي، چې د انرژۍ او اوبو وزیر بامیان ولایت ته د سفر په ترڅ کې په کابل کې د چین له سفیر سره؛ د دغه بريښنا دستګاه د جوړولو ځاى د دره اجدر په ساحه کې تثبيت شوى دى او دواړو لورو د لومړنيو کار د څيړنې په ترسره کولو ټينګار کړى دى.

ویل شوي، چې په بامیانو ولایت کې د لمریزې برېښنا پروژې ساحې ته د انرژۍ او اوبو د وزیر د سفر موخه په نږدې راتلونکي کې د دغې پروژې د عملي کېدو لپاره د زمینې برابرول دي.

د انرژی او اوبو وزارت د رسنیو دفتر ټینګار وکړ: د اوبو او انرژی وزارت سرپرست د پروژی له ساحې څخه د لیدنی پر مهال وویل: ددی پروژی ابتدایی مطالعات مخکی پای ته رسیدلی دی او اوس ددی پروژی په مرسته تطبیقیږی.

په همدې حال کې د بامیانو والي وايي چې د بامیان خلک برېښنا ته سخته اړتیا لري، نو هیله ده چې د دې پروژې کار ژر تر ژره پیل شي.

له بلې خوا د چین سفیر ډاډ ورکړ چې چین به د دې پروژې عملي کولو ته ژمن وي.

ویل شوي، چې د لمریزې برېښنا دغه پروژه به د ۲۰ میګاواټه برېښنا د تولید ظرفیت ولري، چې د برېښنا په برخه کې به د بامیانو د خلکو لویه برخه اړتیاوې پوره کړي.