آوا - کابل: د غور د امنیه قوماندانۍ د جلب او جذب قوماندان مولوی عبدالمجید نصرت ابو ایوب په دې مناسبت جوړو شویو مراسمو کې وویل چې دغه روزنیز پروګرام د بلخ د امنیه قوماندانۍ له خوا پیل شوی و.

 

هغه زیاته کړه، د هېواد پولیس او امنیتي ځواکونه د هرې ورځې په تېرېدو سره مسلکي او تجربه لرونکي کېږي.

 

د نصرت په وينا، د بلخ د امنيه قوماندانۍ له روزنيز کورس څخه ٥٠ پوليس فارغ شوي دي.

 

هغه ټینګار وکړ، چې د غور د پولیسو د لا مسلکي کولو لپاره هڅې روانې دي، څو د دغه ولایت پولیس وکولای شي په ښه توګه نظام او ولس ته خدمت وکړي.