د چارو اداره وايي، د نشه يي توکو پر وړاندې د مبارزې کمیسیون د طرزالعملونو طرحه د اسلامي امارت د عالي مقام د ۹ ګڼې فرمان په اساس چمتو او نهايي شوې ده.
دخپریدو نیټه :چهارشنبه ۱۸ میزان ۱۴۰۳ ساعت ۱۲:۳۳
د مطلب کود : 298281
افغان غږ خبری آژانس - کابل: د اسلامی امارت د چارو ادارې مطبوعاتي دفتر اعلان کړی چې د نشه يي توکو پر وړاندې د مبارزې کمیسیون غونډه د یو شمېر وزارتونو د رئیسانو په حضور کې پای ته ورسیده.
د طرزالعمل مسوده د اداري چارو، د کابینې د همغږۍ د ریاست او د عالي کمیسیونونو له خوا په دریو فصلونو او ۲۵ مادو کې چمتو شوې، چې عمومي احکام، د دندو ویش، کاري طریقې او مختلف احکام پکې شامل دي.
د چارو ادارې اعلان کړی چې دغه طرحه به د لاسلیک لپاره د اسلامي امارت مشر ته واستول شي.
د یادولو وړ ده چې اسلامي امارت په تیرو څو کلونو کې د نشه يي توکو د کښت او قاچاق په وړاندې جدي مبارزه کوي.
avapress.net/vdcfccd0yw6d10a.,ziw.html
ډیری لیدل شوي
