آوا: نتانیاهو د سه شنبې په ماښام د حزب الله د عمومی منشی سید حسن نصرالله د وژل کیدو مسئولیت په غاړه واخیست او ادعا یې وکړه چې اسرائیلو د هغه ځای ناستی سید هاشم صفی الدین هم وژلی دی.
د جمعې په ورځ د اسرائیلو رژیم یو ځل بیا د بیروت په څنډو کې سختې بمبارۍ وکړې.
د اسرائیلو پوځ ادعا کړې، چې د دغه ترهګریز برید هدف د شهید سید حسن نصرالله ځای ناستی هاشم صفی الدین و.
خو د نتانیاهو له نوې ادعا وروسته د صهیونیسټی پوځ ویاند اعلان وکړ: د هاشم صفی الدین د وژلې نتیجه تراوسه معلومه نه ده او په اړه یې پلټنې روانې دی.
تر دې مخکې رویټرز او اې ایف پي د خپلو ادعا شویو سرچینو په حواله لیکلي وو چې حزب الله له دغه ترهګریز برید وروسته له صفی الدین سره اړیکه پرې کړې ده.
دصهیونیسټ رژیم د جنګ وزیر هم نن وویل د نصرالله جانشین غالبا له منځه تللی دی .
په همدې حال کې د حزب الله غورځنګ تر اوسه د سید هاشم صفی الدین د روغتیا په اړه څه نه دي ویلي او نه یې هم دغه ادعاوې تایید کړي دي.
د امریکې په ملاتړ او د نړیوالې ټولنې په چوپتیا کښې صهیونېسټ رژیم په وروستیو اونیو کښې په لبنان کښې وحشیانه حملې وکړې.
دغه رژيم تر نن ورځي پوري تر شلو زياتي بمبارۍ کړي دي.
دریافت صفحه با کد QR