د کرنې، اوبولګولو او مالدارۍ وزارت چارواکي وايي، د اسلامي امارت رهبري شورا د جوړو شویو مېنو د برېښنايي قبالو د وېش حکم صادر کړی دی.

آوا - کابل: د اسلامی امارت د کرنې، اوبولګولو او مالدارۍ وزارت مطبوعاتي دفتر د دې وزارت په ایکس پاڼه کې د یوې خبرپاڼې په خپرولو سره د الکترونیکي قبالو د ویش لړۍ اعلان کړه.

دا وزارت وايي چې د اسلامي امارت د رهبرۍ د فرمان پر بنسټ د کرنې، اوبولګولو او مالدارۍ وزارت مکلف شوی چې د ښار جوړونې او کور جوړونې وزارت له خوا د جوړو شویو هستوګنځیو لپاره د الکترونیکي قبالو د وېش بهیر پیل کړي.

پخوا، د تصفیې اسناد کاغذي وو، او د دې پروسې بریښنایی کول یو اغیزمن ګام ګڼل کیږي.