دانرژۍ او اوبو وزارت په فراه ولايت کې د اوبو دانتقال دبند دجوړولو دکار دپيل خبر ورکړ او زياته يې کړه چې دغه بند دځمکې او دخلکو کورونو ته دسيلاونو دتګ راتګ مخه نيسي او دغه راز د ٢٤٠٠٠ متر مکعبه اوبو دزياتولو ظرفيت لري .

آوا - کابل: د انرژۍ او اوبو وزارت مطبوعاتي دفتر نن (چهارشنبه د میزان ۱۱ مه) د یوې خبرپاڼې په خپرولو سره په فراه ولایت کې د اوبو د انتقال د بند د کار د پیل خبر ورکړی دی.

په دې خبرپاڼه کې راغلي دي چې د فراه ولايت په بکواه ولسوالۍ کې د څه دپاسه اووه ميليونه افغانيو په لګښت د اوبو يو بند جوړ شوى او ويل شوي چې ددغه بند د اوبو د زيرمه کولو ظرفيت ٢٤ زره متر مکعب دى.

د انرژۍ او اوبو وزارت چارواکي وايي، چې د دغه بند په جوړېدو سره به د احتمالي سېلابونو د حاصلاتو او د خلکو د کورونو د زيانمنېدو مخه ونيول شي او د دغو سېلابونو او بارانونو له اوبو به د فراه ولايت د کرنې په خړوبولو کار وشي.

د یادولو وړ ده چې اسلامي امارت په تیرو څو کلونو کې په بیلابیلو ولایتونو کې د اوبو د ذخیرې او د سیلابونو له امله د اوښتو زیانونو د مخنیوي په موخه د کوچنیو بندونو د جوړولو هڅې کوي.