آوا: د لبنان د روغتیا وزارت په خپلو تازه احصائیو کښې اعلان وکړ چې د صهیونیسټ رژیم د نن ورځې په حملو کښې د شهیدانو شمیر ۲۳ تنو ته او د زخمیانو شمیر ۹۵ تنو ته لوړ شوی دی.

 

په همدې حال کښې د اسرائیلو د رژیم د پوځ په شمال کښې قوماندان وویل: مونږ د حزب الله په خلاف د عملیاتو نوی پړاو ته داخل شوی یو او باید په لبنان کښې د ځمکنیو عملیاتو لپاره چمتووالی ولرو.

 

له بلې خوا صهیونیسټي ورځپاڼې هارتز لیکلي: له دریو عربو هیوادونو څلویښت زره پوځیان د سوریې د ګولان سیمې ته د حزب الله د ملاتړ او له اسرائیلي پوځیانو سره په احتمالي جګړه کښې د ګډون لپاره داخل شوي دي.

 

د صهیونیسټ رژیم د حملو په غبرګون کښې د لبنان د پارلیمان مشر نبیح بری وویل: مونږ د اسرائیلو د کړکیچ د ختمولو لپاره د نړیوالو په ملګرتیا سره جدی هلې ځلې کوو.

 

هغه زیاته کړه: راتلونکي ۲۴ ساعته سیاسي حل لارې ته د رسیدو د هڅو د بریالیتوب یا ناکامۍ په برخه کې خورا پرېکنده دي.