آوا – کابل: خلکو ته د حکومت د حساب ورکونې د پروګرامونو په دوام؛ نن شنبه د ۱۴۰۳ لمریز کال د وږي د میاشتې په ۲۴ مه نېټه د افغاني سرې میاشتې ټولنې عملیاتي مرستیال مولوي عبداللطیف ثابت وویل؛ د تېر کال په اوږدو کې د طبیعي پېښو له قربانیانو او اړمنو کسانو سره ۱ میلیون ۴۳۰ زره ۳۶ زره نغدي او غیرې نغدي مرستې شوې دي.

 

هغه په ​​بغلان ولايت کې د وروستيو سېلابونو له امله له ٢٢زره ٧٣٥ قربانيانو سره د بشري مرستو په اړه معلومات ورکړل او ويې ويل؛ په دغو مرستو کې خوراکي توکي، خیمې او نغدې پیسې شاملې وې.

 

نوموړي د ۴۶ ثابتو روغتونونو، ۳۶ فرعي کلینیکونو له لارې افغانانو ته روغتیايي خدمتونه وړاندې کړي او زیاته یې کړه، چې ۶۵ بېړني ټیمونه، ۳۶ ګرځنده ټیمونه او د کټوازی ۴۵ روغتیايي کمپونه هم خلکو ته روغتیايي خدمات وړاندې کوي.

 

هغه اعلان وکړ، چې په تېر يوه کال کې د دغه رياست له روغتيايي خدمتونو څخه پنځه ميليونه ٨٩٤ زره ٣٣٢ کسان برخمن شوي او زياته يې کړه؛ په دې ډله کې دوه زره ۲۱۲ ماشومان هم شامل دي چې په زړه کې سوري لري.

 

د افغاني سرې مياشتې ټولنې دغه مسوول په هېواد کې له ٨١١٠ بې ځايه مېرمنو او ٢٤زره بې کوره کورنيو سره د ٢٠٤ ميليونه افغانيو د مرستې خبر ورکړ او ويې ويل، چې دغو کورنيو د ګنډلو، ګلدوزۍ او غالۍ اوبدلو په برخو کې حرفوي زده کړې ترلاسه کړې دي او لاسي صنایع.

 

نوموړي په تېر کال کې د ۱۱۶ زره ۲۵۹ سوالګرو د راټولولو خبر ورکړ او زیاته یې کړه، چې له دې ډلې ۳۰ زره ۵۴۳ تنه مستحق پېژندل شوي او له دوی سره میاشتنۍ نغدي مرسته کېږي.

 

مولوي ثابت زياته کړه، چې په تېر کال کې له ٥٣ ميليونو څخه زيات افغانيو سوالګرو ته ورکړل شوي دي.

 

په ورته وخت کې د افغاني سرې میاشتې ټولنې ویاند مولوي مدثر همراز د افغانستان په شمال ختیځ زون کې د یتیم خانې د جوړېدو خبر ورکړ او ویې ویل: په ۳۵ ولایتونو کې ۵۴ زره ۸۷۹ هلکانو او نجونو ته د دیني زده کړو او کمپیوټر زده کړې ورکول کېږي. د دې موسسې تعلیمي مرکزونه د تیر یو کال په اوږدو کې ورکړل شوي دي

 

هغه زياته کړه، د لمريزې برېښنا دغه سيسټم په باميانو، بغلان، ميدان وردګو، لغمان، کاپيسا، پروان، سمنګان، سرپل او جوزجان کې د ٤،٥ ميليونه افغانيو په لګښت نصب او فعال شوى دى.

 

د سرې میاشتې ویاند څرګنده کړه: په تېر یوه کال کې ۱۹ تنه د درملنې لپاره جرمني ته استول شوي دي.

 

نوموړي په دغه سازمان کې د ۳۶۴۹ تنو د نوي غړيتوب په اړه معلومات ورکړل او ويې ويل چې په تېر کال کې د دې ادارې د داوطلبانو او کارکوونکو لپاره بېلابېل روزنيز کورسونه په لاره اچول شوي دي.