آوا - ترکمنستان او افغانستان د ټاپي برېښنا پروژې د تطبیق هوکړه لیک لاسلیک کړ

ترکمنستان او افغانستان د ټاپي برېښنا پروژې د تطبیق هوکړه لیک لاسلیک کړ

د دغه شرکت مسوولینو اعلان وکړ، چې د دغه شرکت د اجراییوي رییس عبدالباري عمر او په عشق اباد کې د ترکمنستان له لوړ پوړو چارواکو سره د لیدنې پر مهال، د ټاپي پروژې د عملي کېدو هوکړه لیک د ترکمنستان او دغه شرکت ترمنځ لاسلیک شو.

آوا - کابل: د افغانستان برښنا شرکت د چارواکو په وینا، د افغانستان برښنا شرکت اجراییوی رییس عبدالباری عمر او د اماراتو د نورو ادارو یو پلاوی چې مشری یې د کانونو وزارت سرپرست ملا هدایت الله بدری دی. او د ترکمنستان د نفتي موادو له لوړ پوړو پلاويو سره د هېواد په مرکز کې وکتل.

د چارواکو په خبره، د دغه سفر په ترڅ کې د ټاپي پروژې د پلي کېدو هوکړه لیک هم لاسلیک شو، چې د افغانستان د برېښنا شرکت یوه له مهمو پروژو څخه ده، چې له مخې به یې له ترکمنستان څخه افغانستان او بیا پاکستان ته د برېښنا د لېږد زمینه برابره شي.

دغه شرکت زیاته کړه چې د دغه سفر په ترڅ کې د ترکمنستان د انرژۍ له وزیر اناګلدي ساپاروف سره د دوه اړخیزو همکاریو تړونونه هم لاسلیک شول.

د یادولو وړ ده چې په دغه هوکړه لیک کې دواړو لورو په خپله خاوره کې د تاسیساتو د جوړولو او د پروژې اړوند اسنادو د بشپړولو ژمنه کړې ده.

د افغانستان د برښنا شرکت مسوولین ټینګار کوي چې د دغه تړون په لاسلیک او د دغې مهمې پروژې په بشپړیدو او پلي کیدو سره به په هیواد کې د زرګونو خلکو لپاره د کار د زمینې د برابرولو تر څنګ، افغانستان د بریښنا له لارې په زیاته اندازه بریښنا ترلاسه کړي. دا به هر کال لږې پیسې له پاکستان څخه د ټرانزیټ حق ترلاسه کړي.