آوا - کابل: د آلمان د رسنیو د راپورونو له مخې، د مجرم افغان مهاجرو اخراج د جمعې په ورځ (د سنبلی ۹ مه) ترسره شو.

 

د شپیګل ورځپاڼې راپور ورکړی چې د آلمان حکومت د هر یوه «مجرم» مهاجر په بدل کې ۱۰۰۰ یورو هم ورکړي دي او له طالبانو سره یې په غیر مستقیم ډول له قطري منځګړي سره خبرې اترې کړي دي چې د «جرمني» افغان مهاجرو د اخراجولو لپاره دې هیواد ته ستون شي.

 

د راپورونو له مخې دغه کډوال چې جرمي سابقه لري، د جرمني له بېلابېلو ایالتونو څخه افغانستان ته استول شوي دي.

 

راپور وايي، سره له دې چې د آلمان د حکومت له خوا د «جنايتي» افغان مهاجرو د اخراجولو غوښتنه شوې، د آلمان د بهرنيو چارو وزارت، چې مشري يې انالينا بربک کوي، له طالبانو سره د هر ډول مخامخ خبرو مخالفه ده.

 

آلمان د ازبکستان په ګډون د افغانستان له ګاونډیانو سره د افغان مهاجرو د اخراج په اړه په خبرو بوخت دی.

 

په آلمان کې د افغان مهاجرینو له خوا له څو تاوتریخوالو وروسته په آلمان کې د افغان او سوریایي مهاجرو اخراج زیات شوی دی.

 

د جون په میاشت کې په آلمان کې په یوه لاریون باندې د یوه افغان مهاجر برید پر دغه هیواد فشار زیات کړی چې د «جنایي» مهاجرو د ایستلو لپاره دې هیواد ته ستانه شي.