آوا – کابل: د کانونو او پټرولیم وزارت ویاند همایون افغان وايي، ټاکل شوې دغه پلاوی له ترکمنستاني چارواکو سره د ټاپي، ټاپي او ریل پټلۍ د پروژو په اړه د دوه اړخیزو همکاریو پر پراختیا او د ټاپي د عملي کار د پیل په اړه خبرې وکړي.

 

ترکمنستان په افغانستان کې د ټاپي پروژې د پیلولو په لټه کې دی. طالبانو ویلي چې د دې پروژې لپاره یې ټولې قانوني پروسې بشپړې کړي او د پیل لپاره یې همکارۍ ته چمتو دي.

 

د ټاپي پروژه د ترکمنستان له لویدیځه پیلیږي، د افغانستان له هرات او کندهار څخه تیریږي، د پاکستان له کوټې او ملتان څخه تیریږي او په پای کې د هند لویدیځ ته غځیږي. دغه پروژه د ۲۰۱۵ کال په ډسمبر کې د ترکمنستان په پلازمېنه عشق اباد کې د افغانستان، پاکستان، هند او ترکمنستان د مشرانو له خوا پرانیستل شوه.

د ټاپي پروژه په ۲۰۱۵ کال کې د څلورو هېوادونو لکه ترکمنستان، افغانستان، پاکستان او هند د مشرانو له خوا پرانیستل شوه.

 

د ټاپي د ګازو د پایپ لاین ټول اوږدوالی ۱۸۱۴ کیلومتره دی او د ترکمنستان ګاز به د افغانستان له لارې پاکستان او هند ته انتقال کړي.

 

دغه نل لیکه به له هرات، فراه، نیمروز، هلمند او کندهار ولایتونو څخه تېرېږي او له ټولټال ۱۸۱۴ کیلومترو څخه ۸۱۶ کیلومتره به یې په افغانستان کې کېښودل شي.

 

په افغانستان کې د ټاپي د ګازو نل لیکه د هرات-کندهار له لویې لارې تیریږي، بیا د پاکستان له کویټې او ملتان څخه تیریږي او په پای کې د هند فاضلکا ښار ته رسیږي.

 

د پروژې ټول لګښت ۲۲.۵ میلیارده ډالره دی.

 

د طالبانو د کانونو وزارت اعلان کړی چې د ټاپي د ګازو د نل لیکې له لارې د ترکمنستان ګاز پاکستان او هند ته لېږدول به افغانستان ته په کال کې ۴۰۰ میلیونه ډالره عاید ورکوي.