آوا: د ملګرو ملتونو د نفوسو صندوق (UNFPA) په افغانستان کې د میندو د مړینې د لوړې کچې په اړه خبرداری ورکړی او ویلي یې دي چې د افغانستان روغتیايي سیستم په عاجله توګه ۱۸۰۰۰ قابلو ته اړتیا لري.

 

دغه سازمان خبرداری ورکړی چې په افغانستان کې د دغې بیړنۍ اړتیا په پوره کولو کې پاتې راتلل به د ډیرو خلکو ژوند له خطر سره مخامخ کړي.

 

ملګري ملتونه اټکل کوي چې په ټوله نړۍ کې د قابله ګانو شمیر 900,000 ته اړتیا لري، چې له دې جملې څخه 18,000 د راپور له مخې د افغانستان په روغتیایی سیسټم کې "عاجل" استخدام شوي.

 

د راپور له مخې، په ۲۰۲۱ کال کې د ملګرو ملتونو د وګړو صندوق تر نامه لاندې د روغتیايي مرکزونو شمېر څلور چنده زیات شوی او دغه سازمان په تېرو دریو کلونو کې په لرو پرتو سیمو کې له پنځو میلیونو د زیاتو افغانانو په درملنه کې مرسته کړې ده.

 

د روغتیایي اسانتیاوو د زیاتوالي سره سره، د افغانستان روغتیایی سیستم د پام وړ نیمګړتیاوو سره مخ دی، چې د ماهرو قابلو کمښت او د میندو مړینه یوه جدي اندیښنه ده.

 

ملګرو ملتونو د افغانستان روغتیایی سیستم ته د تکړه قابله ګانو پر ګمارلو ټینګار کړی او وایی چې دا به په افغانستان کې د میندو د مړینې په مخنیوی کې مرسته وکړی.