امریکايي روغتیايي چارواکي په دغه هېواد کې د لېسټریا ناروغۍ د خپرېدو او په پایله کې د درېیو کسانو د مړینې خبر ورکوي.
دخپریدو نیټه :جمعه ۱۹ اسد ۱۴۰۳ ساعت ۱۳:۴۴
د مطلب کود : 295011
افغان غږ خبری آژانس: د امریکا د ناروغیو د کنټرول او مخنیوي مرکز د پنجشنبې په ورځ «اګست ۸» اعلان وکړ چې په دې ناروغۍ د اخته کسانو شمیر ۴۳ تنو ته لوړ شوی چې درې تنه یې مړه شوي دي.
دغه مرکز دا هم ویلي چې د دې ناروغۍ خپرېدل د مې په میاشت کې پیل شوي دي.
د امریکا د ناروغیو د کنټرول او مخنیوي مرکزونو ویلي چې د دې ناروغۍ وروستۍ مرګ ژوبله په ویرجینیا ایالت کې او دوه نورې پېښې په نیوجرسي او ایلینوس ایالتونو کې ثبت شوې دي.
د دغه مرکز د معلوماتو له مخې، ډېری خلک په دې ناروغۍ د خنزیر په سر کې د تولید شویو غوښو د خوړلو له امله اخته شوي دي.
لیسټریا یوه باکتریایي ناروغي ده چې د مسموم کیدو لامل کیږي او د امیندواره میرمنو ، د ضعیف معافیت سیسټم لرونکي خلکو او د 65 کالو څخه پورته خلکو لپاره خطرناکه ګڼل کیږي.
دا باکتریا کولی شي وده وکړي او په یخچال کې ژوندي پاتې شي.
تبه، د عضلاتو درد، زړه بدوالی او ډیر ستړیا د دې ناروغۍ نښې دي.
avapress.net/vdcdfk0xfyt0nz6.lb2y.html
ډیری لیدل شوي
