د هرات ولایت مطبوعاتي دفتر په یوه خبرپاڼه کې دغه ولایت ته د ترکمنستان د اورګاډي پټلۍ د رئیس د سفر او د هرات له والي سره د کتنې خبر ورکړی او زیاتوي چې دواړو لورو د سوداګریزو اړیکو پر پراختیا خبرې وکړې.
هرات ولایت ته د ترکمنستان د ریل پټلۍ د رئیس د سفر هدف د سوداګریزو اړیکو پراختیا
8 اسد 1403 ساعت 9:58
د هرات ولایت مطبوعاتي دفتر په یوه خبرپاڼه کې دغه ولایت ته د ترکمنستان د اورګاډي پټلۍ د رئیس د سفر او د هرات له والي سره د کتنې خبر ورکړی او زیاتوي چې دواړو لورو د سوداګریزو اړیکو پر پراختیا خبرې وکړې.
آوا: د هرات د والي د مطبوعاتي دفتر د خبرپاڼې له مخې، د ترکمنستان د اورګاډي پټلۍ رئیس د یوه شپږ کسیز پلاوي په مشرۍ د دغه ولایت له والي نوراحمد اسلام جار سره وکتل.
د جمهور آژانس د خبر له مخې د ترکمنستان د ریل پټلۍ رئیس آزاد عطاء مرادوف او ورسره مل پلاوي د هرات له والي سره د دواړو هېوادونو ترمنځ د سوداګریزو اړیکو د پراختیا، د هرات – تورغونډۍ د اورګاډي کرښې د جوړولو او د دغه هېواد د سوداګرۍ د پراختیا په اړه خبرې وکړې.
ويل کيږي چې د هرات والي دغه پلاوي ته د ښه راغلاست په ترڅ کې په بېلابېلو برخو کې د هرات – تورغونډۍ اورګاډي پټلۍ د جوړولو د بهير د چټکتيا په برخه کې د سيمه ييزې ادارې د هر اړخيزو همکاريو ډاډ ورکړ.
همدا راز د دې ناستې په پای کې د ترکمنستان پلاوي وړاندیز وکړ چې د دواړو خواوو تخنیکي ټیمونه او کارپوهان د هرات – تورغونډۍ د اورګاډي له کرښې څخه لیدنه وکړي.
د مطلب کود: 294307