د احصایې او اطلاعاتو ملي ادارې د افغان پوست د دولتي شرکت له ادارې سره د الکترونیکي تذکرو د لېږد او د هغوی د لېږد په برخه کې د تفاهم لیک لاسلیک کړ.

آوا - کابل: د احصایې او اطلاعاتو د ملي ادارې د خبر له مخې، ولایتونو ته د الکترونیکي تذکرو د انتقال په موخه د دغه ریاست او افغان پوست ریاست تر منځ یو تفاهم لیک لاسلیک شو.

د دغه رياست د معلوماتو له مخې، د دغه تفاهم ليک پر بنسټ به افغان پوست شرکت په اونۍ کې يو ځل د ولايتونو د آسان خدمت مرکزونو ته او په هرو دوو اونيو کې يو ځل د برېښنايي تذکرو د وېش مرکزونو ته برېښنايي تذکرې لېږدوي.

ویل کیږي چې د دغه تفاهم لیک په لاسلیک سره به د ټول هیواد په کچه اتباعو ته د الکترونیکي تذکرو په پر وخت او خوندي تحویلي کې لازمې اسانتیاوې برابرې شي.