د بامیان ولایت د مرکز او بېلابېلو ولسوالیو په جوماتونو او دیني مدرسو کې د عاشورا ورځې غونډې په بشپړ امنیت کې ترسره شوې. د ماتم په مراسمو کې ويناوالو د عاشورا تر ټولو مهم پيغام د دين ساتنه وبلله او ويې ويل چې امام حسين (ع) ټول بشريت ته په خپل ټول توان د ظلم پر وړاندې د ودرېدو لارښوونه کړې ده.

آوا - بامیان: د بامیان ولایت په ټولو سیمو کې د عاشورا ورځ د امام حسین (ع) د پاڅون د پیغام او اهدافو د بیانولو سره ونمانځل شو.

د حسیني ماتم مراسم د بامیان ولایت د مرکز او ټولو ولسوالیو په جوماتونو او حسینیانو کې د خلکو د بېلابېلو برخو او سیمه ییزو چارواکو په حضور کې په بشپړ امنیت او سوله کې ترسره شول.

په همدې حال کې د باميان ولايت د ولسواليو د سيمه ييزو مقاماتو په رپوټ کې ويل شوي دي: دغه مراسم د امنيتي ځواکونو تر مستقيمې څارنې او کنټرول لاندې په بشپړ امنيت او سولې کې ترسره شول.

په دغه راپور کې د باميان د ولسواليو سيمه ييزو مسوولينو د مراسمو کې د خلکو پراخ ګډون او درنښت ته اشاره کړې او ويلي يې دي: د سږ کال د حسيني د ماتم مراسم په حقيقت کې له احساساتو ډک او بې سارې وو.

د باميان والي مولوي عبدالله سرحدي هم د خلکو د امنيت او ثبات په ټينګښت کې د مسوولينو او امنيتي ځواکونو له نه ستړي کيدونکو هلو ځلو څخه خوښي څرګنده کړه او له هغوى څخه يې خپل ملاتړ څرګند کړ.