د کورنیو چارو وزارت د عامه امنیت ریاست چارواکي وايي، چې د تېرې یوې میاشتې په ترڅ کې د بدخشان ولایت په بېلابېلو ولسوالیو کې زرګونه جریبه کوکنار له منځه وړل شوي او دا لړۍ لا هم روانه ده.

آوا - کابل: د اسلامی امارت د کورنیو چارو وزارت د عامه امنیت ریاست مطبوعاتي دفتر آوا خبری آژانس ته په استول شوې خبرپاڼه کې ویلي چې په دې وروستیو کې د بدخشان ولایت په ارګو ولسوالۍ کې ۳۰۲ جریبه کوکنارو اړول شوي او دا کمپاین لا هم روان دی.

د فوايد عامې وزارت په خبرپاڼه کې راغلي، چې د دې رياست ځواکونو په تېره يوه مياشت کې د بدخشان په جرم او ارګو ولسواليو کې له زرو جريبه زيات د کوکنارو کروندې پاکې کړې دي.

د عامه امنیت ریاست زیاته کړه، چې د کوکنارو د کروندو د پاکولو کمپاین لا هم روان دی، څو دغه بدنام ځناور له افغانستان څخه ورک شي.

دا په داسې حال کې ده، چې وروسته له هغې چې د اسلامي امارت مشر په هېواد کې د کوکنارو پر کښت بندیز ولګاوه، امنیتي ځواکونو په بېلابېلو ولایتونو کې سلګونه زره جریبه د کوکنارو کښتونه له منځه وړي دي.

ملګرو ملتونو هم په افغانستان کې د نشه يي توکو په کښت او قاچاق کې د پام وړ کمښت خبر ورکړی دی. د هېواد د کروندګرو له خوا د نشه يي توکو د کښت لپاره د بدیل د برابرولو غوښتونکي دي.