په جوماتونو او تکیه خانو کې د امام حسین (ع) د ماتم د مراسمو د امنیت د تامین په موخه د بلخ ولایت د مرستیال والي، چارواکو او امنیتي ځواکونو په حضور کې غونډه جوړه شوه.

آوا - مزارشریف: د بلخ ولایت مقام مرستیال مولوی نورالهدی ابو ادریس په هغه غونډه کې چې په دغه ولایت کې د محرم د ورځو د امنیت د تامین په موخه جوړه شوې وه؛ وویل: د دغې غونډې د ترسره کولو هدف د محرم د مياشتې او د امام حسين (ع) د عزادارۍ د ورځو په مناسبت د امنيتي تدبيرونو زياتول او د استخباراتي، ملکي او امنيتي ادارو مسوولينو او کارکوونکو ګډون درلود.

هغه زیاته کړه: د اسلامي امارت حکومت او د بلخ ولایت سیمه ییز چارواکي د امام حسین (ع) د عزادارۍ د مراسمو د امنیت د تامین او خلکو ته د ښو او قناعت وړ خدمتونو د وړاندې کولو په برخه کې هوډمن او ژمن دي.

مولوي ابو ادریس خلکو ته د امنیت ډاډ ورکړ او ویې ویل چې د امام حسین (ع) د عزادارۍ د مراسمو ګډونوال دې پرته له کومې اندیښنې خپل د ماتم پروګرامونه پرمخ بوځي ځکه چې د ځانګړو امنیتي تدابیرو په خاطر لازمې ډالۍ صادر شوي دي.

په همدې حال کې د مزارشريف ښار يو شمېر اوسېدونکو وويل: امنيتي ځواکونو او دولتي مسوولينو د ابا عبدالله (ع) د مراسمو په ترسره کولو کې له خلکو سره همکاري وکړه او د امنيت د تامينولو له امله يې قدرداني کوو.