د ایران د ولسمشریزو ټاکنو په دوهم پړاو کې مسعود پزشکیان د رایو په اکثریت سره د ایران د نهم ولسمشر په توګه وټاکل شو.

آوا - کابل: د اسلامي امارت د بهرنیو چارو وزارت ویاند عبدالقهار بلخي د یوې اعلامیې په خپرولو سره ویلي چې اسلامي امارت هیله لري چې د دواړو ګاونډیو او اسلامي هیوادونو تر منځ اړیکې نورې هم ټینګې شي او د نوي حکومت په رامنځته کیدو سره په بیلابیلو برخو کې پراخ اړیکې رامنځته شي.

د ایران د ولسمشریزو ټاکنو په دوهم پړاو کې مسعود پزشکیان د رایو په اکثریت سره د ایران د نهم ولسمشر په توګه وټاکل شو.

د ایران د ولسمشریزو ټاکنو دویم پړاو د جمعې په ورځ ترسره شو او پایلې یې د شنبې په ورځ له غرمې مخکې اعلان شوې.

تر دې مخکې د هېواد یو شمېر سیاسي څېرو د ډاکټرانو د بریا له امله د ایران حکومت او ملت ته مبارکي ویلې وه.