د پاکستان په کراچۍ ښار کې د افغانستان کونسلګرۍ د دغه هېواد د سند صوبې د یوه ماشوم په ګډون د ۹ افغان بندیانو د خوشې کېدو خبر ورکړی دی.

آوا - کابل: په کراچۍ کې د افغانستان د قونسلګرۍ مشر وايي چې دغه ۹ تنه افغان اتباع پرون (جمعه د سرطان ۱۵مه) له خوشې کېدو وروسته له خپلو کورنیو او خپلوانو سره یو ځای شول.

تر دې وړاندې هم په اسلام اباد کې د افغانستان سفارت د هڅو په پایله کې لسګونه افغانان د پاکستان له زندانونو خوشې شوي وو.

د پاکستان حکومت د استوګنې له اسنادو پرته افغانان نیولي دي.