آوا: په کابل کې د جاپان سفارت اعلان کړی چې د جاپان حکومت به په افغانستان کې د کوکنارو د کښت او د روږدو کسانو د درملنې، بیارغونې او ادغام د خدمتونو د برابرولو لپاره لس میلیونه ډالره مرسته وکړی.
سفارت د پنجشنبې په ورځ په یوه بیان کې وویل چې دا پیسې به د ملګرو ملتونو له مخدره موادو او جرمونو سره د مبارزې دفتر (UNODC) ته ورکړل شي.
یوکو کامیکاوا د جاپان د بهرنیو چارو وزیر نن د والي غدا فاتي سره وکتل؛ د ملګرو ملتونو د نشه يي توکو او جرمونو په برخه کې د ملګرو ملتونو سرمنشي د افغانستان د نشه يي توکو پر وړاندې د مبارزې د ظرفیت د پیاوړتیا په موخه د مالي مرستو سند لاسلیک کړ.
د جاپان سفارت ویلي، چې دغه مرستې به په بدخشان، هلمند او کندهار کې له زیانمنو شویو خلکو سره د مرستې لپاره ولګول شي او ټینګار یې وکړ، چې جاپان به له نشه یي توکو سره د مبارزې په برخه کې د افغانانو هڅو ته دوام ورکړي.
د ملګرو ملتونو د وروستي راپور له مخې په افغانستان کې څه باندې څلور میلیونه کسان په نشه يي توکو روږدي دي.
دریافت صفحه با کد QR