د ازبکستان يو شمېر سوداګرو او پانګوالو د رئیس الوزرا اداري مرستيال سره په کتنه کې په افغانستان کې د انرژۍ په سکټور، د نفتو د استخراج او د توليدي فابريکو په جوړولو کې له پانګونې سره لېوالتيا څرګنده کړه.
په هیواد کې د تولیدي فابریکو د جوړولو لپاره د ازبک پانګوالو لیوالتیا
12 سرطان 1403 ساعت 9:13
د ازبکستان يو شمېر سوداګرو او پانګوالو د رئیس الوزرا اداري مرستيال سره په کتنه کې په افغانستان کې د انرژۍ په سکټور، د نفتو د استخراج او د توليدي فابريکو په جوړولو کې له پانګونې سره لېوالتيا څرګنده کړه.
آوا - کابل: د ارګ پاڼې په یوه بیان کې لیکلي، چې د ازبکستان یو شمېر سوداګرو او پانګوالو د رئیس الوزرا د دفتر له اداري مرستیال مولوي عبدالسلام حنفي سره وکتل.
په دې کتنه کې د ازبکستان سوداګرو او پانګوالو په افغانستان کې د انرژۍ، نساجۍ، نفتو او کانونو په برخو کې د پانګونې، د تولیدي فابریکو او زیربناوو په جوړولو خوښي څرګنده کړه.
په دې کتنه کې د ازبکستان د انرژۍ شرکت رييس افغانستان ته د دغه پلاوي د سفر هدف د دغه وزارت اداري مرستيال ته وړاندې کړ.
له بلې خوا د رئیس الوزرا اداري مرستيال وويل چې اسلامي امارت په هيواد کې دپانګوالو او بهرنيو شرکتونو دټولو سوداګريزو فعاليتونو هرکلى کوي او هغوى ته ټولې لازمې اسانتياوې برابروي.
د مطلب کود: 292834