پرون چهارشنبه (د جوزا ۱۶ مه) د کرنې، اوبولګولو او مالدارۍ وزارت د یوه لوړ پوړي پلاوي په مشرۍ د دغه وزارت د مسلکي او طبیعي سرچینو مرستیالانو، د تخمونو د شرکت رئیس، د مالدارۍ عمومي رئیس، د دغه وزارت سلاکار او د کرنې وزارت ویاند هم هرات ولایت ته سفر کړی دی.

آوا - هرات: د هېواد د کرنې، اوبولګولو او مالدارۍ وزارت مرستیال مولوي عثماني هرات ته د خپل سفر موخه د یوه نوي مسلخ د پرانیستلو او د فارم د ورځې د نمانځلو په پروګرام کې ګډون وکړ او همدارنګه د زعفرانو د کروندګرو او شرکتونو وضعیت وڅیړل.

مولوي عثماني دغه راز په هرات ولايت کې دکرنې د ودې او پياوړتيا لپاره پلانونه اعلام کړل، ده د چک بندونو جوړولو او د طبيعي زيرمو زيرمې ته اشاره وکړه او ويې ويل چې د کرنې وزارت د کرنې د ودې لپاره ښه تدبيرونه لري.