آوا - هرات: د هرات د پولیسو ویاند مولوی عبدالله انصاف وایی، د هرات ولایت د کشک رباط سنګی ولسوالۍ امنیه قوماندانی د دغه ولایت د کشک رباط سنګی په سیمه کې هغه پنځه تنه نیولی چې غوښتل یې یو صراف وتښتوی. 

 

د هغه په ​​وينا، له دغو کسانو څخه يوه ميل کلاشينکوف او درې ميله تفنګچې ترلاسه شوي او اوسمهال د اسلامي امارت د ځواکونو تر څارنې لاندې دي.

 

د یادولو وړ ده چې د اسلامي امارت په راتګ سره په هرات ولایت کې د سړي تښتونو کچه د تیرو کلونو په پرتله ډیره کمه شوې ده.

 

په تیرو وختونو کې ډیری سرمایه دارانو د ځاني او مالي امنیت د نشتوالي له امله له هیواد څخه مهاجرت وکړ او خپله سرمایه یې له ځانه سره یوړه.