د ایران او عراق د کورنیو چارو وزیرانو د اربعین حسینی د مراسمو د ترسره کولو او په دغه مراسمو کښې د ګډون لپاره عراق ته د افغان او پاکستانی زیارت کوونکو د تګ د محدودیتونو په هکله د ایران او عراق د کورنیو چارو د وزیرانو د نویو موافقو په تعقیبولو سره، د تبیان د کلتوري او ټولنیزو فعالیتونو مرکز عمومی رئیس دغو ستونزو ته په اشارې سره د تېرو کلونو په څېر سږ کال هم د دغو زیارت کوونکو د محدودیت په اړه اندېښنه څرګنده کړه او د ایران او عراق له حکومتونو یې په جلا جلا توګه د افغان زیارت کوونکو د ګډون لپاره د مناسبو اسانتیاوو د برابرولو غوښتنه وکړه. حسینی مزاری په دغه کار کښې د شیعه چارواکو او په خاصه توګه د اسلامی انقلاب د معظم رهبر حضرت امام خامنه ای د څخه غوښتنه وکړه. همدارنګه د اسلامي امارت څخه وغوښتل چې په بغداد او تهران کې د افغان سفارتونو له لارې د اربعین حسیني د زیارت کوونکو د ستونزو د حل لپاره هڅې وکړي.

آوا - کابل: د تبیان د ټولنیزو او کلتوري فعالیتونو د مرکز د مشر حجت الاسلام والمسلمین سید عیسی حسینی مزاری په اربعین حسینی کې د افغان زیارت کوونکو د ستونزو او محدودیتونو د دوام په اړه د غبرګون بشپړ متن په لاندی ډول دي:

"اربین حسیني هغه موضوع وه چې د سه شنبې په ورځ د جوزا په اتمه په تهران کې د ایران د کورنیو چارو وزیر احمد وحیدي او د عراق د کورنیو چارو د وزیر عبدالامیر اشمري تر منځ په خبرو اترو کې تر سره شوه، د دې غونډې ښه خبر په ایران کې د میشتو ایراني زیارت کوونکو او مهاجرینو په اړه وو، چې د پخوا په څېر یو له هغو اسانتیاوو څخه برخمن دی چې له مخي يي کولای شی په اربعین حسینی کې کډون وکړي، خو د افغانستان او پاکستان د اتباعو په اړه یې د اندېښنې وړ خبر دا وو، چې د افغانستان او پاکستان د اتباعو لپاره به محدودیتونه وي چې وروسته به اعلان شی.

دا په داسې حال کې ده چې په تېرو وختونو کې هم د افغان زیارتونو کوونکو وضعيت ډېر ښه نه و، د دواړو هېوادونو د زيارت کوونکو د ويزو په ورکړه کې د ځنډ له امله يا له اربعين څخه وروسته عراق ته رسېدل او يا هم په نااميدۍ سره خپل وطن ته راستانه شول.
نو; د ایران او عراق له حکومتونو څخه په جلا جلا توګه غوښتنه کوو چې په افغانستان کې د خپلو هېوادوالو د راتګ لپاره مناسبې اسانتیاوې برابرې کړي.
1- د دواړو هیوادونو ویزه د تیر کال په څیر وړیا وي.
۲- ویزې باید په داسې وخت کې صادرې شي چې افغان ریارت کوونکي وکولای شي د اربعین بهیر ته ورشي او د اربعین په ورځ کربلا ته ولاړ شي.
3- ایران ته د ننوتلو دوه ځله ویزې ورکول باید د عراق د ویزې د صادرولو پراساس نه وي.
4- د عراق د ویزې صادرول باید د اوس په څیر بریښنایی وي او د کاغذ صادرول باید د وخت ضایع کیدو او د مراجعین د ډیرو اسانتیاوو له ضایع کیدو څخه مخنیوی وشي.
5- د زيارت د ويزې صادرول بايد په يو مشخص شمېر پورې محدود نه وي، څو هر هغه زیارت کوونکي چې ايران او عراق ته د تللو اراده لري د دغو دواړو هېوادونو د سپېڅلو ځايونو د زيارت کولو وړتيا ولري.
۶- ویزه باید په خود اظهاری ډول صادر شي، یعنې د شرکتونو له خوښې سره سم، په ډله ییزه او یا په انفرادي ډول.

همدارنګه په عراق او ایران کې د تقلید له ټولو سترو مقاماتو او په ځانګړې توګه له امام خامنه ای څخه غوښتنه کوو چې و دې مسلې ته په جدي توګه توجه وکړي او د ایران او عراق د اړوندو حکومتي چارواکو په هڅونه او لارښونه سره دې په دې اړه جدي اقدام وکړي. 

او ډیر مهم ټکی؛ دا سمه ده چې د ایران او عراق دولتونه له اخلاقي او ایماني پلوه مسؤل دي چې د زیارت کوونکو د ننوتلو اسانتیاوې برابرې کړي، خو تر ډېره دا مساله د هېوادونو له ډیپلوماتیکو اړیکو سره تړلې ده چې باید د افغان حکومت له خوا ورته توجه وشي او تعقیب شي. له همدې امله افغان حکومت په لومړي ګام کې دنده لري چې له ایران او عراق سره خبرې اترې وکړي تر څو زیارت کوونکي په اسانۍ او پر وخت د اربعین په مراسمو کې ګډون وکړي.

له همدې امله له اسلامي امارت څخه په کلکه غوښتنه کیږي چې له اوس څخه ایران او عراق ته د زیارت کوونکو د لیږلو اسانتیاوې برابرې کړي، په هر اړخیزه توګه په بغداد کې د افغانستان سفارت او په تهران کې د افغانستان سفارت له لارې د دوه اړخیزو خبرو اترو د زمینې برابرولو لپاره خبری پیل شي.

په همدې حال کې د ایران د اسلامی جمهوریت د کورنیو چارو وزیر احمد وحیدی د سه شنبې په شپه (۸ جوزا) د عراق د کورنیو چارو له وزیر سره په ګډ خبری کانفرنس کښې ایران ته د بهرنیانو د داخلیدو او وتلو حالت ته په اشارې سره وویل: په اربعین کې د ګډون لپاره د ایران پوله ساتو، وویل: هغه اتباع چې اوس په ایران کې دي د عراق له لوري سره د شوي تړون له مخې به د پخوا په څیر وي، خو د پاکستاني او افغان اتباعو لپاره محدودیتونه شتون لري.