د کانونو او پټروليم وزارت وايي، په تېره اداره کې د فارياب ولايت د قيصار ولسوالۍ امنيه قوماندان نظام الدين قيصاري د کانونو په برخه کې د پانګونې او د هېواد د کانونو لپاره د ملي او نړيوالو پانګوالو د جلبولو لېوالتيا ښودلې ده.
د یوه پخواني دولتي چارواکي لېوالتیا چې د هېواد په کانونو کې پانګونه وکړي
9 جوزا 1403 ساعت 10:40
د کانونو او پټروليم وزارت وايي، په تېره اداره کې د فارياب ولايت د قيصار ولسوالۍ امنيه قوماندان نظام الدين قيصاري د کانونو په برخه کې د پانګونې او د هېواد د کانونو لپاره د ملي او نړيوالو پانګوالو د جلبولو لېوالتيا ښودلې ده.
آوا - کابل: د کانونو او پټرولیم وزارت له مطبوعاتي دفتره په خپره شوې خبرپاڼه کې راغلي چې د فاریاب ولایت د قیصار ولسوالۍ امنیه قوماندان نظام الدین قیصاري د دغه وزارت له سرپرست شیخ شهاب الدین دلاور سره وکتل.
په دې کتنه کې ښاغلي قیصاري په افغانستان کې د امنیت د تامین او د ملي یووالي د ټینګښت د ستاینې ترڅنګ، د کانونو په سکتور کې د پانګونې او د هېواد د کانونو لپاره د ملي او نړیوالو پانګوالو د جلبولو په برخه کې خپله لېوالتیا څرګنده کړه.
له بلې خوا د کانونو او پټرولیم وزارت سرپرست په دې کتنه کې وویل چې افغانستان د ټولو افغانانو ګډ کور دی او د هېواد د وګړو ساتنه زموږ د ټولو مسوولیت دی.
باید وویل شي، چې په هېواد کې د اسلامي امارت له جوړېدو وروسته د پخواني حکومت سلګونه چارواکي افغانستان ته راستانه شوي دي.
د مطلب کود: 291181