آوا : د فاریاب د والي ویاند عصمت الله مرادي دباختراژانس خبريال ته وویل چې په فاریاب ولایت کې وروستیو اورښتونو او سیلابونو له امله د زیاتو ځاني او مالي زیانونو او له ۷۰ زیات کسان ټپیان کړي دي. په دغو سیلابونو کې ماشومان، نارینه او ښځې وژل شوي او شاوخوا شل تنه ټپیان شوي دي.

 

هغه په ​​دغه ولايت کې د وروستيو سېلابونو له امله د زيانمنو شويو کورنيو سره د نغدو پيسو د وېش بهير اعلان کړ او زياته يې کړه: د استوګنې د کورونو، کرنيزو ځمکو، روغتيايي کلينيکونو، پلونو او پلچکونو ويجاړېدل او د سلګونو څارويو له منځه تلل يې بله برخه ده. 

 

مرادي وويل، چې په بل چراغ ولسوالۍ کې سېلابونو دغې ولسوالۍ ته غځېدلې عامه او دويمې لارې تخريب کړي او خلک له سختو ستونزو سره مخ دي او له دولت څخه همکاري غواړي.

 

هغه وويل، د لارو د خلاصولو لپاره جدي اقدامات شوي او په بل چراغ ولسوالۍ کې د وروستيو سېلابونو د قربانيانو پر کورنيو څه باندې څلور ميليونه افغانۍ وېشل شوې دي او د نغدو پيسو د وېش په پروسه کې به ټول زيانمن شي.

 

د يادونې ده، چې له بغلان وروسته د سېلابونو له امله د فارياب اوسيدونکو ته تر ټولو زيات ځاني او مالي زيانونه اوښتي دي.