د کورنیو چارو وزارت د عامه امنیت ریاست د بدخشان ولایت په جرم او بهارک ولسوالیو کې د کوکنارو د کښت د له منځه وړلو خبر ورکوي او وايي چې د کوکنارو د کښت د له منځه وړلو بهیر به دوام وکړي.

آوا - کابل: د کورنیو چارو وزارت د عامه امنیت ریاست د آوا خبری آژانس ته په رالیږل شوی خبر پاڼه کې ویلی چې د اقصی د عامه امنیت د شپږم کنډک قوماندان مولوی سیف الله صابری ویلی چې د ۱۹۵ جریبه ځمکه یې د بدخشان ولایت په جرم ولسوالۍ کې کوکنارو د کښت څخه پاکه کړي ده.

د ښاغلي صابري په وینا دا کمپاین لا هم روان دی.

له بلې خوا د اجرائيه رئيس مل پاسوال صالح محمد نظري په هېواد کې د نشه يي توکو د کښت په له منځه وړلو او د امنيت په تامين کې د امنيتي ځواکونو د بې سارې دندې ستاينه وکړه او د امنيت په ټينګښت او د عامه نظم په ټينګښت کې يې د دغو ځواکونو رول مهم وباله.

د عامه ساتنې معینیت رهبري د خلکو او هېواد د امنیت او ساتنې په برخه کې دا ستر ویاړ وګاڼه او د افغانستان له ټولو شریفو خلکو یې وغوښتل چې د امنیت په تامین کې له خپلو امنیتي ځواکونو سره همکاري وکړي.