د هېواد د فوټسال ملي لوبډلې چې په تايلنډ کې د چمتوالي په کمپ کې ده، په يوه دوستانه لوبه کې د تايلند د فوټسال د لومړۍ څانګې چنبوري لوبډلې ته د ۷:۳ په توپير ماتې ورکړه.

آوا: د هېواد د فوټسال ملي لوبغاړو پرون (یکشنبه، د حمل ۱۹مه) په یوه دوستانه لوبه کې د چنبوري فوټسال لوبډلې ته د ۷:۳ په توپیر ماتې ورکړه.

د فوټبال فدراسیون د چارواکو په وینا، د افغان فوټسال لوبغاړو او چنبوري لوبغاړو ترمنځ دا غونډه د تړلو دروازو تر شا ترسره شوه.

د هېواد د فوټسال ملي لوبډله به په درې نورو تیاریو کې د تاجکستان، سعودي عربستان او چین له لوبډلو سره هم ولوبېږي.