آوا - تهران: د ایرانی رسنیو په حواله، د دغه هیواد محکمې د امریکا د تیلو د بیړۍ د ضبطولو امر کړی دی.

 

ویل شوي چې د تهران د نړیوالو اړیکو د محکمې (۵۵) څانګې چارواکو په فارس خلیج کې د امریکا د تیلو د بار وړونکې بېړۍ د ADVANTAGE SWEET د نیولو امر کړی او د دغې کښتۍ کارګو یې نیولې ده.

 

د ایران قضايي چارواکو دا هم ویلي، چې له دې وروسته به د تېلو د بار وړلو لپاره اړین حکمونه صادر کړي.

 

د ایراني چارواکو په وینا، د دې تېلو کارګو ارزښت له ۵۰ میلیونو ډالرو ډېر اټکل شوی دی.