آوا - مزارشریف: د بدخشان ولایت د فواید عامې ریاست د ساختمانی چارو رئیس انجینر افتخار احمد مخدوم زاده وایی: د یفتل پایان، شهر بوزور، راغستان، کوهستان، یاوان ولسوالیو ترانسپورتی لویې لارې بندې شوې دی.

 

ده زياته کړه: د سيمه ييزو ارګانونو د مسوولينو له خوا د بدخشان ولايت د دولسو ولسواليو د لويو لارو د پرانستلو او د واورو د پاکولو بهير په شدت سره روان دى؛ خو د واورې د اورښت او د هغې د دوام له امله تراوسه په دې نه دي بريالي شوي چې دغه لارې بېرته پرانيزي

 

مخدوم زاده وويل، چې له ولسواليو څخه تر ولايت مقام پورې د لارو د بندېدو له امله د خلکو ستونزې درک وړ دي او له همدې امله يې هره ورځ هڅې روانې دي او په ډېرو ځايونو کې د پاکولو ټيمونه شتون لري، خو پرله پسې واورو ورښت د لارې د پرانستلو بهیر ورو کړی دی.

 

هغه وويل: "د واورې ورښت او سختو طوفانونو د دغو ولسواليو د لارو د خلاصولو بهير له جدي خنډ سره مخ کړى او د پاکولو ټيم ته يې د کار اجازه نه ده ورکړې."

 

له بلې خوا د بدخشان ولايت له طبيعي پيښو سره د مبارزې رييس محمد کامګار وويل: وروستيو اورښتونو په څو ولسواليو کې د استوګنې لس کورونه ويجاړ کړي او په دې پيښه کې چاته زيان نه دى اوښتى.

 

هغه د کليو د لارو د بندېدو په اړه د ولسوالۍ مرکز ته وويل: موږ د کليو د اوسېدونکو د لارو بندېدل تاييدوو، خو پوهېږو چې د خلکو د ژوند شرايط عادي دي او روغتيايي خدمتونو او نورو ته لاسرسی لري. شیان، او فشار خلک جدي نه دي.

 

د يادونې وړ ده، چې د بدخشان ولايت د ځينو ولسواليو مواصلاتي لارې له دوو تر درېيو ورځو راهيسې د واورې د ورښت له امله تړل شوې دي.