آوا: د سوداګرۍ او پراختیا په برخه کې د ملګرو ملتونو د کنفرانس (UNCTAD) رییس ریچارډ کوزول رایټ، پرون پنجشنبه وویل، که جګړه اوس ودریږی، د ۲۰ میلیارد ډالرو په ارزښت خبرې کوو.

 

د ملګرو ملتونو د غونډې په څنډه کې، کوزول رائټ ټینګار وکړ چې غزه د اسراییلو د څلورو میاشتو بې توپیره بمباریو له امله رامینځته شوي ویجاړتیا څخه د خلاصون لپاره نوي "مارشال پلان" ته اړتیا لري.

 

مارشال پلان د متحده ایالاتو یو نوښت و چې په 1948 کې تصویب شو ترڅو د دوهم نړیوال جنګ پای ته رسیدو وروسته لویدیځ اروپا ته بهرنۍ مرستې چمتو کړي.

 

د تسنیم د راپور له مخې، کوزول رائټ-داز زیاته کړې، چې دا اټکل د سټلایټ د انځورونو او نورو معلوماتو پر بنسټ دی او د کره ارقامو لپاره څېړونکو ته اړتیا ده چې غزې ته ننوځي.

 

د څو لویدیځو رسنیو لخوا د سټلایټ ډیټا تحلیل ښیې چې د غزې په تړانګه کې د 144,000 او 175,000 ترمنځ ودانۍ زیانمنې شوي یا ویجاړ شوي چې د سیمې د 50 او 61 سلنې ودانیو سره مساوي دي.