آوا - کابل: د کابل ولایت د امنیه قوماندانۍ ویاند خالد ځدراڼ نن (شنبه، د دلوی ۲۱مه) په ټولنیزه شبکه کې لیکلی چې د ۱۶مې ناحیې اړوند د ضیاالحق په نوم یو تن د تښتوونکو له منګولو ژغورل شوی دی. 

 

د هغه په ​​وينا، ضياء الحق د کابل ښار له ١٦مې ناحيې څخه تښتول شوى و او سيمه ييزو پوليسو ته له خبر ورکولو وروسته يې د تښتوونکو له منګولو څخه کشف او ژغورلى دى.

 

د کابل د امنيه قوماندانۍ وياند زياته کړه، چې پوليسو د دې قضيې په تړاو دوه تنه نيولي او تر پلټنو لاندې دي.