آوا: د پاکستان د انتخاباتو کمیسیون د دغه هیواد د انتخاباتو د نتایجو د وروستیو جزئیاتو په خپرولو سره، د دغه هیواد د ملی اسمبلۍ له ۲۵۶ څوکیو څخه د ۱۴۷ څوکیو برخلیک ټاکلی دی. چې د عمران خان په ګوند پورې تړلو نوماندانو اوس ۶۶ څوکۍ، مسلم ليګ نواز ۴۵ څوکۍ او پيپلز ګوند ۳۲ څوکۍ ګټلې دي.

داسې راپورونه هم شته چې د عمران خان په ګوند پورې تړلو ټاکنیزو کاندیدانو د پنجاب او خیبر پښتونخوا ایالتي اسمبلۍ کې اکثریت څوکۍ ګټلي دي.

د سندهـ او بلوچستان ایالتونو اسمبلۍ کې هم پیپلز ګوند تر ټولو زیاتې څوکۍ ګټلې دي.

تر دې مخکې د عمران خان اړوند د انصاف غورځنګ ګوند او د شاه نواز مسلم لیګ ګوند دواړو په ټاکنو کې د بریا اعلان کړی و.