آوا: د پاکستان د کورنیو چارو وزارت په یوه خبرپاڼه کې اعلان کړی، چې په ټول هېواد کې یې د موقتې مودې لپاره د ټیلیفون او انټرنیټ خدمتونه ځنډولی دی.

 

د دغه وزارت په خبرپاڼه کې راغلي، چې دغه پرېکړه د ګډوډ امنیتي وضعیت له امله شوې ده.

 

د پاکستان عمومي ټاکنې نن (پنجشنبه) پیل شوې او د مازدیګر تر پنځو بجو به دوام وکړي.

 

په داسې حال کې چې په پاکستان کې ټاکنې روانې وې، د دغه هېواد په بېلابېلو برخو کې څو چاودنې وشوې.