د پنجشیر سیمه ییز چارواکي وايي، په نوي داوطلبۍ کې له دغه ولایت څخه ۲۸۷۶ قیراط زمرد استخراج شوي چې په ۲۹۶۷۵۰ امریکايي ډالرو پلورل شوي دي.

آوا: د پنجشیر د رسنیو دفتر په یوه خبرپاڼه کې لیکلي، چې دغه داوطلبۍ پرون (چهارشنبه) د دغه ولایت د کانونو د څارنې د کمېټې په حضور کې ترسره شوه او ملي سوداګرو دغه اندازه زمرد وپېرل.

تېره اوونۍ د پنجشېر له درې زره قيراط څخه ډېر زمرد په يوه ليلام کې وپلورل شول.

د اسلامي امارت له واکمنۍ وروسته د پنجشېر د زمردو د استخراج بهیر یو معیار ته ګړندی شوی دی.